NAFARROAKO HIRITARROK GURE ETORKIZUNAREN INGURUAN ERABAKITZEKO ESKUBIDEAREN ALDE
 

Egun, lurralde eredua ezbaian dago, eta Nafarroa, eztabaida bizi eta sakon horretatik kanpo geratzen ari da. Nafarroa desagertzen ari da Estatuaren osaera berri horretatik, eta gisa horretan, ezin izanen dugu gure etorkizuna erabaki. Bide horretatik segituz gero, ezinezkoa izanen zaigu, nafar guztien eskubide historikoak, era positiboan defendatzea, ezinezkoa izanen zaigu, egun ditugun eskuduntzak defendatzea, eta ezinezkoa, halaber, autogobernuan sakontzea. Konparazio batera, hor dugu, Herriek Europako Batasunean parte hartzearen gaia. Egoera berri horren aurrean, UPNk egin duen proposamen bakarra, Laugarren Xedapen Iragankorra ezabatzea izan da; gainera PSNk, lotsagabeki, bat egin du proposamen horrekin. Xedapen horrek, Nafarroako gizarteak, Erkidegoarekin harremanak erabakitzeko duen eskubidea biltzen du. Hori ere ezabatu nahi dute.

UPN-CDN-PSNk Nafarroarako duten proiektua, proiektu hila da. Etorkizunari bizkarra ematen dion proiektua. Ez dira gai, ondoko komunitateekin hitz egin eta akordioetara heltzeko. Ez dira Nafarroako hiritarrez fido, hitza ukatzen digute, erabakitzeko eskubidea ukatzen digute.

Eskubide politikoen eremuan, inork ez dio Nafarroari ezer oparituko.
Aipatutako alderdiek, oraindik ere, markoa agortatuta dagoela onartuta ere, erabateko inmobilismoa mantentzen dute. Errealitate honen aurrean agerian da UPN eta PSN urduri daudela, izan ere, gure gizartea, gero eta maizago, gero eta ozenago, eskaera bat ari da plazaratzen, hau da, nafar hiritarrok dugu etorkizuna erabakitzeko eskubidea.


Eskaera honi, Nafarroa Baik, gure gizartearen aniztasuna errespetatzearena eransten dio. Gertaera hori sekularra da, mendeetakoa da, eta batez ere, oinarri demokratikoa da, gure gizartearen aberasgarri dena. Gure errealitatea elebiduna da, eta kultural, geografiko eta politikoki aniztasuna dugu ezaugarri. Aniztasunarena Nafarroako berezko ezaugarria da, eta, gisa horretan, ezagutu, onartu eta bultzatu behar da.

Nafarroa Bairen irudikoz, Nafarroako etorkizunari dagokion gaian, une
erabakiorra bizitzen ari gara, eta hori dela eta, Nafarroa Bai koalizioak, Nafarroako hiritarrak deitu nahi ditu, denon eskubideak defendatu eta erdiestea denon lana baita:
 

NAFARROAK DU ERABAKITZEKO ESKUBIDEA
 

NAFARROAKO HIRITARREI GALDETU EGIN BEHAR ZAIE
 
ANIZTASUNAREN DEFENTSA ETA ERRESPETUA
   
Honegatik guztiagatik, Nafarroa Baik Nafarroako hiritarrak deitu nahi ditu manifestazio batean parte har dezaten. Manifestazioa heldu den ekainaren 18an, arratsaldeko 19:00etan, Iruñeko autobus geltokitik aterako da.
 
  Kartela