Nafarroa Baik erantzukizunez jokatzeko eta langabeziaren kontrako borrokan neurri ekonomiko eta sozial serioak indarrean jartzeko eskatu dio UPN eta PSNren Gobernuari
(2010/Apirila/30)
   
 

Ampliar (eus)

Patxi Zabaleta Nafarroa Baiko bozeramaileak gaur goizean adierazi duenez, “Maiatzaren 1eko bezperan, Nafarroako ekonomiak eta gizarteak beste albiste txar bat jaso du, kasu honetan EPArena, Nafarroako langabezia jada %12,32koa dela esan baitu”.



“Egun gutxi barru jakingo dugu langabezian zenbat pertsona dauden, baina horren aurretik, erantzukizunez jokatzeko eta neurri ekonomiko eta sozial serioak indarrean jartzeko deia egiten dugu Nafarroa Batik”, azpimarratu du Zabaletak.


 


Koalizioko bozeramaileak azaldu duenez, “enpleguaren datu txarrari gaineratu behar zaio Nafarroako zorrari buruzko oso kalifikazio kaskarra ezagutu berri dugula. Horren esangura edo garrantzia ez da handitu behar, baina kontuan izan behar dira”.


 

Amaitzeko, Zabaletak nabarmendu duenez, “beharrezkoak dira zuhurtasun neurriak, kudeaketa garbia, ustelkeriarekin amaitzea eta ekimen jarduerak abian jartzea, eta aldi berean, lan baldintzak errespetatzea”.